Վերապատրաստման 3-րդ օր

Այսօր արդեն մեր բլոգները սկսեցինք ձևավորել, կառուցվածքային շտկումներ կատարել: Իսկ հետո անդրադարձանք մտածված նախագծերի քննարկմանը, կարծիքներ փոխանակեցինք: Մեր բազմաբովանդակ հարցերի միջոցով պարզեցինք մեզ համար մինչ այսօր անծանոթ հարցերի պատասխանները, դե իհարկե, մեզ դրանում օգնեց մեզ համար արդեն հարազատ դարձած ընկեր Անահիտը: Հեռավար աշխատանքի միջոցով լուսբանեցինք օրվա ծրագրերը: Ինչ է մեզ մնում, հնարավորինս լավ պատրաստվել հաջորդ օրվան և հաջողություն մաղթել միմյանց նախագծերի ներկայացման ժամանակ:

Հայ հեղինակների անցած ուղին

Նախատեսված է ` տարրական, միջին, ավագ դասարանների համար

Մասնակիցներ`սովորողները, դասավանդողները

Իրականացման տևողությունը ` շուրջտարյա

Նպատակը ` Կարդալ, ծանոթանալ գրողի կյանքին, ապրած ժամանակաշրջանին, նրանց ստեղծագործություններին, բացահայտել գրողին նոր սերնդի տեսանկյունից, հնի վրա կառուցել նորը, զարգացնել բեմական, տեխնիկական հմտությունները, ծանոթանալ հայտնի գրողի հետ զրուցելու էթիկետին:

Խնդիրները ` Տարիքային խմբից կախված զարգացնել ընթերցանության մակարդակը, ավելի լավ ճանաչել հայ գրականության ներկայացուցիչներին, սովորողի մոտ զարգացնելու ստեղծագործ ոգին, գրողին գրքերի էջերի մեջից դուրս բերել, կենդանացնել, նոր շունչ հաղորդել:

Մասնակիցների նախնական կարողություններն ու հմտությունները` Նախագիծը պետք է զարգացնի սովորողների նախնական գիտելիքները:

Միջավայրը (նշել իրականացման վայրերը) Կրթահամալիր, բնություն, թատրոն, որևէ գողտրիկ անկյուն:

Անհրաժեշտ գործիքները` կենսագրական գրքեր հայ գրականության ներկայացուցիչների մասին, նրանց ստեղծագործությունները, թուղթ, սոսինձ, երկրաչափական մարմիններ, բեմական հագուստ(կոստյում, լայնեզր գլխարկ, ձեռնափայտ,ծխամորճ և սուր միտք):

Կիրառվող մեթոդները` Թիմային աշխատանք, նպատակի սահմանում, հանձնարարությունները հնարավորիս սեղմ ժամկետներում կատարելու կարողություն, ինքնարտահայտում, միմյանց լսելու կարողություն:

Նախագիծը ունի նաև զարգանալու, ընդլայնվելու հնարավորություն:

Վերապատրաստման 2-րդ օր

Հաջորդ օրը արդեն սկսեցինք բլոգավարությունից: Սովորեցինք, թե ինչպես կարելի է անհրաժեշտ խրվակներ ավելացնել: Ինչպես նաև սովորեցինք բլոգում նյութ տեղադրել, հղումներ անել, նկարներ կցել: Այդ ամենից հետո լրացրինք «Իմ մասին» էջը: Բացեցինք բլոգի նոր բաժիններ: Իսկ հետո մեզնից յուրաքանչյուրը անցավ ուսումնական նախագծի մշակմանը: Վերապատրաստման երկրորդ մասը ավարտվեց հեռավար աշխատանքներով:

Վերապատրաստման 1-ին օր

Առաջին օրը սկսվեց մասնակիցների գրացումով, նախ մենք` մասնակիցներս միմյանց հետ ծանոթացանք, իսկ հետո ծանոթացանք մեզ վերապատրաստող մասնագետ Անահիտ Հարությունյանի հետ, ով բացի լավ մասնագետ լինելուց, նաև հրաշալի մարդ ու հոգատար ընկեր է: Սկսեցինք հեղինակային կրթական ծրագրի մեդիամիջավայրի ծանոթությունից, ապա ծանոթացանք Google առցանց հարթակին, էլեկտրոնային նոր հասցեներ բացեցինք gmail.com համակարգում: Վերապատրաստումը շարունակվեց wordpress.com կայքում բլոգների գրանցմամբ: Այնուհետև կատարեցինք բլոգների ակտիվացում էեկտրոնային հասցեների միջոցով: Օրը ամփոփեցինք հեռավար աշխատանքով:

Создайте веб-сайт на WordPress.com
Начало работы